ಕೈತೋಟವನ್ನು ನಿರ್ಮಿಸುವುದು ಯಾರಿಗೆ ತಾನೇ ಇಷ್ಟವಿಲ್ಲ ಹೇಳಿ? ಮನೆ ಮುಂದೆ ಹಸಿರಾಗಿದ್ದರೆ ಎಷ್ಟು ಚೆಂದ. ಮನಸ್ಸಿಗೂ ಒಂದು ರೀತಿ ಹಿತವೆನಿಸುತ್ತದೆ. ಅಷ್ಟೇ ಅಲ್ಲ ವಾತಾವರಣ ಕೂಡ ತಂಪಾಗಿರುತ್ತದೆ. ಇವತ್ತಿನ ಜಂಜಾಟದ ಜೀವನದಲ್ಲಿ ನೀವು ಬೆಳೆಸಿದ ಕೈತೋಟಕ್ಕೆ ಒಮ್ಮೆ ಭೇಟಿ ನೀಡಿದರೆ ಮನಸ್ಸಿಗೆ ನೆಮ್ಮದಿ ನೀಡುತ್ತದೆ.
ನಿಮಗೂ ಹೀಗೆ ಕೈತೋಟ ಮಾಡುವುದರಲ್ಲಿ ತೊಡಗಿಸಿಕೊಳ್ಳಬೇಕು ಎಂದು ಅನ್ನಿಸುತ್ತಿದೆಯೇ? ಹಾಗಾದರೆ ನಾವಿಲ್ಲಿ ಕೆಲವೊಂದು ಗಾರ್ಡನಿಂಗ್ ಸಲಹೆಗಳನ್ನು ನೀಡಿದ್ದೇವೆ. ಖಂಡಿತವಾಗಿಯೂ ನಿಮಗೆ ಉಪಯೋಗವಾಗಬಲ್ಲದು!
ನಿಮ್ಮ ಯುಎಸ್ಡಿಎ ಗಡಸುತನ ವಲಯವನ್ನು ತಿಳಿಯಿರಿ. (ನೆಲದ ಗಡಸುತನವನ್ನು ಅಳೆಯುವ ನಕ್ಷೆ) ಇದನ್ನು ಮಾರ್ಗದರ್ಶಿಯಾಗಿ ಬಳಸಿ, ಈ ಮೂಲಕ ನಿಮ್ಮ ನೆಲದ ಗಡಸುತನವನ್ನು ಅರಿತು, ನೀವು ಮರಗಳು, ಪೊದೆಗಳು ಸ್ಥಳದಲ್ಲಿ ಬೆಳೆಯುವ ಸಾಧ್ಯತೆ ಇಲ್ಲದಿದ್ದಲ್ಲಿ ಅವುಗಳನ್ನು ನೆಡಬೇಡಿ. ಆದರೆ ನಿಮ್ಮ ಪ್ರದೇಶದಲ್ಲಿ ತರಕಾರಿಗಳು ಮತ್ತು ಹಣ್ಣುಗಳನ್ನು ಯಾವಾಗ ನೆಡಬೇಕು ಎಂಬುದರ ಕುರಿತು ಕೂಡ ಈ ನಕ್ಷೆಯ ಮೂಲಕ ನಿಮಗೆ ತಿಳಿಯುತ್ತದೆ.
ಗಿಡಗಳನ್ನು ಕತ್ತರಿಸುವುದು ಯಾವಾಗ?
ಹೂವುಗಳು ಮಸುಕಾದ ತಕ್ಷಣ ಅಂದರೆ, ವಸಂತ-ಹೂಬಿಡುವ ಪೊದೆಸಸ್ಯಗಳಾದ ನೀಲಕ ಮತ್ತು ಗುಲಾಬಿ ಗಿಡಗಳನ್ನು ಗಿಡ ವಸಂತಕ್ಕೂ ಮೊದಲು ಕತ್ತರಿಸಬೇಕು. ಕಳೆದ ವರ್ಷದ ಬೆಳವಣಿಗೆಯ ಮೇಲೆ ಕೊನೆಯಲ್ಲಿ ತಮ್ಮ ಮೊಗ್ಗುಗಳನ್ನು ಗಿಡಗಳು ಬಿಡಲು ಪ್ರಾರಂಭಿಸುತ್ತವೆ. ಆದರೆ ಚಳಿಗಾಲದಲ್ಲಿ ನೀವು ಅವುಗಳನ್ನು ಕತ್ತರಿಸಿದರೆ, ಮುಂದಿನ ವಸಂತಕಾಲದಲ್ಲಿ ಹೂವಿನ ಮೊಗ್ಗುಗಳನ್ನು ಬಿಡುವ ಸಾಧ್ಯತೆಗಳು ಕಡಿಮೆ. ಹಾಗಾಗಿ ಸರಿಯಾದ ಕಾಲಕ್ಕೆ ಸರಿಯಾದ ಸಮಯಕ್ಕೆ ಹೂ ಗಿಡಗಳನ್ನು ಕತ್ತರಿಸಬೇಕಾಗುತ್ತದೆ
ಮಣ್ಣಿನ ಫಲವತ್ತತೆ ಕಾಪಾಡುವುದು ಹೇಗೆ?
ಮಣ್ಣಿಗೆ ಕನಿಷ್ಠ ಆರು ತಿಂಗಳವರೆಗೆ ಮಣ್ಣನ್ನು ಸುರಕ್ಷಿತವಾಗಿರಿಸುವ ಕಾಂಪೋಸ್ಟ್, ಕೊಳೆತ ಗೊಬ್ಬರವನ್ನು ಮಾತ್ರ ಹಾಕಿ. ತಾಜಾ ಗೊಬ್ಬರವು ಸಾರಜನಕವನ್ನು ಹೆಚ್ಚಿನ ಪ್ರಮಾಣದಲ್ಲಿ ಹೊಂದಿದ್ದು ಇವು ಸಸ್ಯಗಳನ್ನು ಹಾಳು ಮಾಡಬಹುದು. ಅಲ್ಲದೇ ಈ ಗೊಬ್ಬರವು ರೋಗಕಾರಕಗಳು ಅಥವಾ ಪರಾವಲಂಬಿಗಳನ್ನು ಸಹ ಒಳಗೊಂಡಿರಬಹುದು. ಹಂದಿಗಳು, ನಾಯಿಗಳು ಮತ್ತು ಬೆಕ್ಕುಗಳ ತ್ಯಾಜ್ಯದ ಗೊಬ್ಬರವನ್ನು ಎಂದಿಗೂ ತೋಟಗಳಲ್ಲಿ ಅಥವಾ ಕಾಂಪೋಸ್ಟ್ ರಾಶಿಯಲ್ಲಿ ಬಳಸಬಾರದು ಏಕೆಂದರೆ ಅವು ಮಾನವರಿಗೆ ಸೋಂಕು ತರುವ ಪರಾವಲಂಬಿಗಳನ್ನು ಹೊಂದಿರುವ ಸಾಧ್ಯತೆಗಳಿರುತ್ತವೆ.
ಮೂಲಿಕಾ ಸಸ್ಯಗಳು ಪ್ರಬುದ್ಧ ಬೆಳವಣಿಗೆಯನ್ನು ಸಾಧಿಸಲು ಸಾಮಾನ್ಯವಾಗಿ ಮೂರು ವರ್ಷಗಳು ಬೇಕಾಗುತ್ತದೆ. ಈ ಮೂರು ವರ್ಷಗಳ ಅವಧಿಯಲ್ಲಿ ಅವು “ಮಲಗುವುದು, ತೆವಳುವುದು ಮತ್ತು ಜಿಗಿಯುವುದು” ಎಂಬ ಮಾತಿನಂತೆ ಬೆಳವಣಿಗೆ ಹೊಂದುತ್ತವೆ ಎಂಬುದನ್ನು ನೆನಪಿಡಿ.
ಗಿಡಗಳ ಬೆಳವಣಿಗೆಯ ಋತುಮಾನ ಎಷ್ಟು ಅವಧಿಯದ್ದು ಎಂದು ಮೊದಲು ತಿಳಿಯಿರಿ. ವಸಂತಕಾಲದ ಕೊನೆ ಅಥವಾ ಶರತ್ಕಾಲದ ಆರಂಭ, ಗಿಡಗಳನ್ನು ಬೆಳೆಸಲು ಅಥವಾ ಬೆಳವಣಿಗೆಯನ್ನು ನಿಲ್ಲಿಸುವ ಸಮಯ.
ಗಿಡಗಳಲ್ಲಿ ಸತ್ತ ಹೂವುಗಳನ್ನು ಕತ್ತರಿಸುವುದು ಬಹುವಾರ್ಷಿಕ ಮತ್ತು ವಾರ್ಷಿಕ ಬೆಳೆಗಳ ಉತ್ತಮ ಅಭ್ಯಾಸವಾಗಿದೆ. ವಾರ್ಷಿಕ ಸಸ್ಯಗಳನ್ನು ಬೆಳೆಸುವ ರೀತಿ ಮೊದಲು ಹೂವು, ನಂತರ ಬೀಜವನ್ನು ಹೊಂದಿಸುವುದು ಮತ್ತು ಹೂವು ಸತ್ತ ನಂತರ, ಹಳೆಯ ಹೂವುಗಳನ್ನು ತೆಗೆದುಹಾಕುವುದು ಇದು ವಾರ್ಷಿಕ ಸಸ್ಯಗಳಲ್ಲಿ ಹೆಚ್ಚಿನ ಹೂವುಗಳನ್ನು ಉತ್ಪಾದಿಸಲು ಸಹಾಯಮಾಡುತ್ತದೆ. ಬೀಜ ಉತ್ಪಾದನೆಗೆ ಬದಲಾಗಿ, ಗಿಡಗಳಲ್ಲಿ ಒಣಗಿದ ಹೂವುಗಳನ್ನು ತೆಗೆದುಹಾಕುವುದರಿಂದ ಗಿಡದ ಶಕ್ತಿಯನ್ನು, ಬಲವಾದ ಎಲೆಗಳು ಮತ್ತು ಬೇರುಗಳನ್ನು ಹೊಂದಲು ಪ್ರೋತ್ಸಾಹಿಸಿದಂತಾಗುತ್ತದೆ. ಮನಿ ಪ್ಲಾಂಟ್ (ಲುನೇರಿಯಾ) ನಂತಹ ಗಿಡಗಳಲ್ಲಿ ಅನಗತ್ಯವಾಗಿ ಬೆಳೆಯುವ ಕಾಂಡಗಳನ್ನು ಕತ್ತರಿಸಿ.
ಸಸ್ಯಗಳಿಗೆ ಕನಿಷ್ಠ ಎಷ್ಟು ಬೆಳಕು ಬೇಕು?
ಪ್ರತಿದಿನ ಕನಿಷ್ಠ 8 ಗಂಟೆಗಳ ನೇರ ಸೂರ್ಯನ ಬೆಳಕನ್ನು ಪಡೆಯುವ ಸ್ಥಳದಲ್ಲಿ ತರಕಾರಿಗಳನ್ನು ಬೆಳೆಯಿರಿ. ಹೆಚ್ಚಿನ ತರಕಾರಿಗಳಿಗೆ ಉತ್ತಮವಾಗಿ ಬೆಳೆಯಲು ಪೂರ್ಣ ಸೂರ್ಯನ ಬೆಳಕಿನ ಅಗತ್ಯವಿದೆ. ನಿಮ್ಮ ಸ್ಥಳದಲ್ಲಿ ಸ್ವಲ್ಪ ನೆರಳು ಹೊಂದಿದ್ದರೆ, ಲೆಟಿಸ್, ಪಾಲಕ, ಮೂಲಂಗಿ ಮತ್ತು ಎಲೆಕೋಸುಗಳಂತಹ ತಂಪಾದ ಋತುಮಾನದ ಬೆಳೆಗಳನ್ನು ಬೆಳೆಯಲು ಪ್ರಯತ್ನಿಸಿ.
ಕಳೆ ಕೀಳುವುದು
ಕಳೆ ಕೀಳುವ ಅತ್ಯಂತ ಉತ್ತಮ ವಿಧಾನವೆಂದರೆ ಕೈಯಿಂದ ಕಳೆ ಕೀಳುವುದು ಮತ್ತು ಹೂಯಿಂಗ್ (ಗಿಡದ ಬುಡದ ಮಣ್ಣು ಬಿಡಿಸಿ ಕಳೆ ಕೀಳುವುದು). ಹೂಯಿಂಗ್ ಮಾಡುವಾಗ ಬಹಳ ಆಳವಾಗಿ ಹೂಯಿಂಗ್ ಮಾಡುವುದು ಅಥವಾ ಗಿಡ ನೆಡುವಾಗ ಬಹಳ ಆಳದ ವರೆಗೆ ಗಿಡ ನೆಟ್ಟರೆ ಕಳೆ ಗಿಡಗಳಿಗೆ ಮೇಲ್ಮೈಗೆ ಬರುವ ಅವಕಾಶ ಮಾಡಿಕೊಟ್ಟಂತಾಗುತ್ತದೆ. ಕಳೆಯನ್ನು ಆರಂಭದಿಂದಲೇ ತೆಗೆದು ಮತ್ತು ಆಗಾಗ ತೆಗೆಯುತ್ತಾ ಇದ್ದರೆ ಗಿಡದ ಬಳಿ ಕಳೆ ಗಿಡಗಳು ಹೋಗುವುದನ್ನು ತಪ್ಪಿಸಬಹುದು.
ಹೋಸ್ಟಾಗಳನ್ನು ವಿಭಜಿಸುವುದು ಒಳ್ಳೆಯದು
ನಿಮಗೆ ಹಳೆಯ ಗಿಡವನ್ನು ಪುನಃ ಬೆಳೆಸುವ ಇಚ್ಛೆ ಇದ್ದಲ್ಲಿ ಅಥವಾ ಗಿಡಗಳ ಸಂಖ್ಯೆಗಳನ್ನು ಹೆಚ್ಚಿಸುವ ಆಸಕ್ತಿ ಇದ್ದಲ್ಲಿ ಅಥವಾ ಒಂದೇ ಗಿಡದ ತರಹ ಗಿಡವನ್ನು ಕಾಣಬೇಕಾದಲ್ಲಿ ಮಾತ್ರ ಹೋಸ್ಟಾಗಳನ್ನು ವಿಭಜಿಸಬೇಕು. ಇಲ್ಲದಿದ್ದಲ್ಲಿ ಹಾಗೆಯೇ ಬಿಟ್ಟು ಬಿಡುವುದು ಉತ್ತಮ.
ಎಲ್ಲಾ ಹೈಡ್ರೆಂಜಸ್ ಗಳು ನೆರಳಲ್ಲೇ ಬೆಳೆಯುವುದಿಲ್ಲ. ಪ್ಯಾನಿಕಲ್ ಹೈಡ್ರೆಂಜಸ್ ಗಳು (ಹೈಡ್ರೆಂಜಿಯಾ ಪ್ಯಾನಿಕುಲಾಟಾ) ಗೆ ಸೂರ್ಯನ ಬೆಳಕು ಬಿದ್ದಲ್ಲಿ ಚೆನ್ನಾಗಿ ಬೆಳೆದು ಹೂ ಬಿಡುತ್ತದೆ. ‘ಲೈಮ್ ಲೈಟ್’, ಲಿಟಲ್ ಲೈಮ್, ವೆನಿಲ್ಲಾ ಸ್ಟಾಬೆರಿ ಮತ್ತು ಬಾಂಬ್ ಶೆಲ್ ಮುಂತಾದವು ಕೆಲವು ಪ್ಯಾನಿಕಲ್ ತಳಿಗಳಾಗಿವೆ.
ಕುಂದಾಪ್ರ ಡಾಟ್ ಕಾಂ ಲೇಖನ