ಕುಂದಾಪ್ರ ಡಾಟ್‌ ಕಾಂ ಸುದ್ದಿ.
ಕೋಟ: ಕನ್ನಡ ಸಾರಸತ್ವ ಲೋಕದ ಬಹುಮುಖ ಪ್ರತಿಭೆ ಕಂಚಿನ ಕಂಠದ ಕನ್ನಡದ ಲೇಖಕ, ಶಿಕ್ಷಕ ವಿಠ್ಠಲ್ ಗಾಂವ್ಕರ್ ಇವರ ಅಸ್ಮಿತೆಯ ಸ್ಮರಣೆಯು 1998 -99 ಪುನರ್ ಮಿಲನ ಸ್ನೇಹ ಬಳಗ ಇವರಿಂದ ಗಾಯನ ನುಡಿನಮನ ಇತ್ತೀಚಿಗೆ ಪಡುಕರೆ ಶಾಲಾ ಕೆ.ಸಿ ಕುಂದರ್ ಸಭಾಂಗಣದಲ್ಲಿ ಜರುಗಿತು.
ಈ ವೇಳೆ ಗೀತಾನಂದ ಟ್ರಸ್ಟ್ ಪ್ರವರ್ತಕ ಆನಂದ ಸಿ. ಕುಂದರ್ ಪಡುಕರೆ ಗಾಂವ್ಕರ್ ಭಾವಚಿತ್ರಕ್ಕೆ ದಿಪ ಬೆಳಗಿಸಿ ಮಾತಾನಾಡಿ, ಪ್ರೌಢ ಶಾಲೆಯಲ್ಲಿ ಸುದೀರ್ಘ 29 ವಸಂತಗಳ ಸೇವೆ ಸಲ್ಲಿಸಿ ಕರಾವಳಿಯ ಭಾಗದ ಸಹಸ್ರ-ಸಹಸ್ರ ವಿದ್ಯಾರ್ಥಿಗಳಿಗೆ ಜ್ಞಾನ ಧಾರೆ ಎರೆದ ಗುರುವಾಗಿದ್ದರು ಎಂದು ಭಾವನಮನ ನುಡಿ ಸಮರ್ಮಿಸಿದರು.
ನೇರ ಹಾಗೂ ನಿಷ್ಟುರದ ನಡೆ-ನುಡಿ ಹೊಂದಿರುವ ವಿಠ್ಠಲ್ ಗಾಂವಕಾರರು ವಿದ್ಯಾರ್ಥಿಗಳ ಕಲಿಕೆಗೆ ವಿಶೇಷವಾದ ಕಾಳಜಿ ವಹಿಸಿದವರು ಎಂದು ಮೊದಲ ಬ್ಯಾಚಿನ ವಿದ್ಯಾರ್ಥಿ ಶಿಕ್ಷಕ ನರೇಂದ್ರ ಕುಮಾರ್ ಕೋಟ ಮಾತಾನಾಡಿ ಮಣೂರು ಪಡುಕರೆ ಹೆಸರನ್ನು ಶಾಶ್ವತಗೊಳಿಸಿದವರು ಎಂದರು.
ಕನ್ನಡ ಸಾಹಿತ್ಯ ಪರಂವರೆಗೆ ಸುಮಾರು ೩೮ ಕೃತಿಗಳನ್ನು ರಚಿಸಿ ರಾಜ್ಯ ಉತ್ತಮ ಶಿಕ್ಷಕ ಪ್ರಶಸ್ತಿಗೆ ಭಾಜನರಾದವರು ಎಂದು ವಾಹಿನಿ ಯುವಕ ಮಂಡಲದ ಅಧ್ಯಕ್ಷ ರಮೇಶ್ ಎಚ್ ಕುಂದರ್ ಮಾತನಾಡಿದರು.
ಅಪ್ಪ ಅಂದರೆ ಆಕಾಶ ಎಂಬ ಆರ್ ಮಣಿಕಾಂತ ಅವರ ಪುಸ್ತಕದ ಶೀರ್ಷಿಕೆ ಬದುಕಿನಲ್ಲಿ ಅಪ್ಪಯ ಪಾತ್ರ ಎತ್ತರ ತಿಳಿಸುತ್ತದೆ. ಅಜ್ಞಾದ ಮರಳಿ ದಿಬ್ಬದಲ್ಲಿ ಸುಜ್ಞಾನದ ಚಿಗುರು ಮೂಡಿಸಿದ ಅಪ್ಪಯ್ಯ ಊರಿನ ಜನರ ಕಣ್ಮಣಿ ಆಗಿದ್ದಾರೆ ಎಂದು ಗಾಂವ್ಕರ್ ಪುತ್ರ ವಿವೇಕಾನಂದ ಗಾಂವ್ಕರರ್ ನುಡಿನಮದಲ್ಲಿ ತಿಳಿಸಿದರು.
ಸಭೆಯಲ್ಲಿ ಪಂಚಾಯತ್ ಮಾಜಿ ಸದಸ್ಯ ಜಯರಾಮಶೆಟ್ಟಿ , ಪಡುಕರೆ ಶಾಲಾ ಶಿಕ್ಷಕ ರಾಮದಾಸ ನಾಯಕ್, ಮುಖ್ಯ ಶಿಕ್ಷಕಿ ವಿಜಯ, ವಿಠ್ಠಲ್ ಗಾಂವ್ಕರ್ ಸಹದ್ಯೋಗಿಗಳು, ಸಹಶಿಕ್ಷಕರು, ಶಿಕ್ಷಕರು, ಹಳೆವಿದ್ಯಾರ್ಥಿಗಳು, ಕುಟುಬಸ್ಥರಾದ ನಿವೃತ್ತ ಶಿಕ್ಷಕಿ ಗೀತಾ, ಶಿಕ್ಷಕಿ ಗಿರಿಜಾ ಉಪಸ್ಥಿತರಿದ್ದರು. ಪುನರ್ ಮಿಲನ ತಂಡದ ಸರಿತಾ ಸ್ವಾಗತಿಸಿ, ನಾಗರಾಜ ಪಡುಕರೆ ಕಾರ್ಯಕ್ರಮ ನಿರ್ವಹಿಸಿದರು. ಕಾರ್ಯಕ್ರಮದಲ್ಲಿ ಗಾಯನದ ಮೂಲಕ ನುಡಿನಮನ ಹಳೆವಿದ್ಯಾರ್ಥಿಗಳು ಸಲ್ಲಿಸಿದರು.
