ಕುಂದಾಪ್ರ ಡಾಟ್‌ ಕಾಂ ಸುದ್ದಿ.
ಕೋಟ: ಸಾಲಿಗ್ರಾಮ ಪಟ್ಟಣ ಪಂಚಾಯತ್ ವ್ಯಾಪ್ತಿಯಲ್ಲಿ ಉಡುಪಿ ಜಿಲ್ಲಾಡಳಿತದ ಮಾರ್ಗದರ್ಶನದಲ್ಲಿ ‘ಸ್ವಚ್ಛತಾ ಹೀ ಸೇವಾ – 2026’ ಹಾಗೂ ಗಾಂಧಿ ಜಯಂತಿಯ ಅಂಗವಾಗಿ ವಿಶೇಷ ಸ್ವಚ್ಛತಾ ಅಭಿಯಾನವನ್ನು ಯಶಸ್ವಿಯಾಗಿ ಹಮ್ಮಿಕೊಳ್ಳಲಾಯಿತು.
ಸೆ. 17 ರಿಂದ ಅಕ್ಟೋಬರ್ 02, 2025 (ಗಾಂಧಿ ಜಯಂತಿ) ವರೆಗೆ ನಡೆದ ಈ ಅಭಿಯಾನದಲ್ಲಿ ಪಟ್ಟಣ ಪಂಚಾಯತ್ ವ್ಯಾಪ್ತಿಯ Cleanliness Target Units (CTU) ಮತ್ತು ಸಾರ್ವಜನಿಕ ಸ್ಥಳಗಳಲ್ಲಿದ್ದ ‘ಬ್ಲಾಕ್ ಸ್ಪಾಟ್’ಗಳನ್ನು ಗುರುತಿಸಿ, ಅವುಗಳನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸಿ ಸುಂದರ ಉದ್ಯಾನ ಸೃಷ್ಠಿಸಿ ಅನಾವರಣಗೊಳಿಸುವ ಕಾರ್ಯಕ್ರಮಗಳನ್ನು ಕೈಗೊಳ್ಳಲಾಯಿತು.
ಈ ಅಭಿಯಾನದ ಭಾಗವಾಗಿ ಕಸ ಬಿದ್ದ ಹಾಗೂ ಅಶುಚಿಯಾಗಿದ್ದ ಸ್ಥಳಗಳನ್ನು ಸ್ವಚ್ಛಗೊಳಿಸಿ, ಸಾರ್ವಜನಿಕರಿಗೆ ಅನುಕೂಲವಾಗುವಂತೆ ಮತ್ತು ಸುಂದರ ಉದ್ಯಾನ ಸೃಷ್ಠಿಸಿ ಅದರಲ್ಲಿ ವಿಶೇಷವಾಗಿ ಜಾಗೃತಿ ಫಲಕವನ್ನು ಇರಿಸಲಾಗಿದೆ.
ಪರಿಶುದ್ಧ ಹಾಗೂ ಸ್ವಚ್ಛ ಸಾಲಿಗ್ರಾಮ ನಿರ್ಮಾಣ ಮಾಡುವ ನಿಟ್ಟಿನಲ್ಲಿ ಸಾರ್ವಜನಿಕರ ಸಹಕಾರದೊಂದಿಗೆ ಈ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಲಾಗಿದೆ ,ಸ್ವಚ್ಛತೆ ನಮ್ಮೆಲ್ಲರ ಹೊಣೆಗಾರಿಕೆ ಕಂಡಕಂಡಲ್ಲಿ ತ್ಯಾಜ್ಯ ಎಸೆದು ಮನುಕುಲಕ್ಕೆ ಸಂಕಷ್ಟ ತಂದೊಡ್ಡಲಾಗಿದೆ ಅಲ್ಲದೆ ಹಸಿರನ್ನು ನಾಶಗೈದು ಪ್ರಸ್ತುತ ವಾತಾವರಣ ಕೆಡಿಸಲಾಗಿದೆ ಹೀಗಾದರೆ ಮುಂದಿನ ಜನಾಂಗಕ್ಕೆ ಕ್ಲಿಷ್ಟಕರ ಪರಿಸ್ಥಿತಿಯನ್ನು ಎದುರಿಸಬೇಕಾಗುತ್ತದೆ,ಪಟ್ಟಣ ಹಾಗೂ ಪುರಸಭೆಗಳಲ್ಲಿರುವ ಪೌರಕಾರ್ಮಿಕರನ್ನು ನಿಕೃಷ್ಟ ನೋಡದೆ ನಮ್ಮಂತೆ ಅವರು ಎಂಬ ಭಾವನೆಯಲ್ಲಿ ಅವರನ್ನು ಗೌರವಿಸಿ ಪರಿಸರವನ್ನು ಸ್ವಚ್ಛವಸಗಿರಿಸಿಕೊಳ್ಳವ ಜತೆಗೆ ಹಸಿರುಯುಕ್ತ ತ್ಯಾಜ್ಯ ಮುಕ್ತ ಪರಿಸರ ನಮ್ಮದಾಗಲಿ ಎಂದು ಪಟ್ಟಣ ಪಂಚಾಯತ್‌ನ ಮುಖ್ಯಧಿಕಾರಿ ಆನಂದ್ ಜೆ. ಆಶಿಸಿದರು.
ಮಹಾತ್ಮಾ ಗಾಂಧಿ ಹಾಗೂ ಲಾಲ್ ಬಹಾದ್ದೂರ್ ಶಾಸ್ತ್ರಿ ಇವರ ಜನ್ಮದಿನೋತ್ಸವದ ಅಂಗವಾಗಿ ಅವರ ಭಾವಚಿತ್ರಕ್ಕೆ ಮುಖ್ಯಾಧಿಕಾರಿ ಸಹಿತ ಪಟ್ಟಣಪಂಚಾಯತ್ ಸಿಬ್ಬಂದಿವರ್ಗ ಪುಷ್ಭಸಿಂಚನಗೈದರು.
ತಾಯಿಯ ಹೆಸರಿನಲ್ಲಿ ಪಟ್ಟಣಪಂಚಾಯತ್ ಹಿಂಭಾಗದ ಪಾರ್ಕನಲ್ಲಿ ಗಿಡ ನೆಟ್ಟು ಅದರ ಬಗ್ಗೆ ಜಾಗೃತಿ ಮೂಡಿಸಿ ಪ್ರತಿಜ್ಞಾವಿಧಿ ಭೋದಿಸಲಾಯಿತು.
ಕೋಟ ಗಣೇಶ್ ಗ್ರ್ಯಾಂಡ್ ಹೋಟೆಲ್ ಸಮೀಪದ ಬ್ಲ್ಯಾಕ್ ಸ್ಪಾಟ್ ಅನ್ನು ಸ್ವಚ್ಛಗೊಳಿಸಿ ತ್ಯಾಜ್ಯದಿಂದ ಬಂದ ವಸ್ತುಗಳಿಂದ ಶೃಂಗರಿಸಿ ಅದನ್ನು ಮುಖ್ಯಾಧಿಕಾರಿ ಅನಾವರಣಗೊಳಿಸಿದರು.
ಪಟ್ಟಣಪಂಚಾಯತ್ ಆರೋಗ್ಯ ನಿರೀಕ್ಷಕಿ ಮಮತಾ ,ಅಭ್ಯಂತರರು,ಸಿಬ್ಬಂದಿ ವರ್ಗ,ಪೌರಕಾರ್ಮಿಕರು ಉಪಸ್ಥಿತರಿದ್ದರು.
ಸಾಲಿಗ್ರಾಮ ಪಟ್ಟಣ ಪಂಚಾಯತ್ ವ್ಯಾಪ್ತಿಯಲ್ಲಿ ಉಡುಪಿ ಜಿಲ್ಲಾಡಳಿತದ ಮಾರ್ಗದರ್ಶನದಲ್ಲಿ ‘ಸ್ವಚ್ಛತಾ ಹೀ ಸೇವಾ – 2025’ ಹಾಗೂ ಗಾಂಧಿ ಜಯಂತಿಯ ಅಂಗವಾಗಿ ವಿಶೇಷ ಸ್ವಚ್ಛತಾ ಅಭಿಯಾನದಡಿ ಸಾರ್ವಜನಿಕ ಸ್ಥಳಗಳಲ್ಲಿದ್ದ ‘ಬ್ಲಾಕ್ ಸ್ಪಾಟ್’ಗಳನ್ನು ಗುರುತಿಸಿ, ಅವುಗಳನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸಿ ಸುಂದರ ಉದ್ಯಾನ ಸೃಷ್ಠಿಸಿ ಅನಾವರಣಗೊಳಿಸಲಾಯಿತು.
