ಕುಂದಾಪ್ರ ಡಾಟ್‌ ಕಾಂ ಸುದ್ದಿ.
ಕೋಟ: ಡಾ. ಕೋಟ ಶಿವರಾಮ ಕಾರಂತ ರಿಸರ್ಚ& ಸ್ಟಡಿ ಸೆಂಟರ್ ಟ್ರಸ್ಟ್ ಮಾನಸ ಸಾಲಿಗ್ರಾಮ ಹಾಗೂ ನಟರಾಜ ನೃತ್ಯ ನಿಕೇತನ ಸಾಲಿಗ್ರಾಮ ಇವರ ಸಹಯೋಗದಲ್ಲಿ ಡಾ.ಕೆ. ಶಿವರಾಮ ಕಾರಂತರ 120ನೇ ಜನ್ಮದಿನಾಚರಣೆಯನ್ನು ಆಚರಿಸಲಾಯಿತು.
ಗಣ್ಯರು ಡಾ. ಕೋಟ ಶಿವರಾಮ ಕಾರಂತರ ಭಾವ ಚಿತ್ರಕ್ಕೆ ಪುಷ್ಪ ನಮನ ಸಲ್ಲಿಸಿದರು. ಟ್ರಸ್ಟ್ ನ ಅಧ್ಯಕ್ಷ ಬಿ.ಎಮ್. ಗುರುರಾಜ್ ರಾವ್ ಅಧ್ಯಕ್ಷತೆ ವಹಿಸಿದ್ದರು.
ಕಾರ್ಕಾಡ ಗೆಳಯ ಬಳಗದ ಅಧ್ಯಕ್ಷ ತಾರಾನಾಥ್ ಹೊಳ್ಳ ಇವರು ಮಾತನಾಡಿ, ಕಾರಂತರು ಕೇವಲ ಕೃತಿಯಲ್ಲದ್ದೆ ವಿಚಾರಗಳನ್ನು ಕಾರ್ಯರೂಪದಲ್ಲಿ ಮಾಡಿ ತೋರಿಸುವರು ಎಂದು ಕಾರಂತರನ್ನು ವಿವಿಧ ಕ್ಷೇತ್ರಗಳ ಕಾರ್ಯಭಾರಗಳನ್ನು ನೆನಪು ಮಾಡಿ ಕೊಟ್ಟರು.
ಇದೇ ಸಂದರ್ಭದಲ್ಲಿ ಸ್ಥಳೀಯ ನಟರಾಜ ನೃತ್ಯ ನಿಕೇತನ ತರಗತಿಯನ್ನು ಉದ್ಘಾಟನೆಗೈದ ಸ್ಥಳೀಯ ಉದ್ಯಮಿ ಪ್ರಶಾಂತ್ ಕುಂದರ್ ಮಾತಾಡಿ ಹೇಗೆ ಸಮುದ್ರದ ಆಳವನ್ನು ಅಳೆಯಲು ಅಸಾಧ್ಯ ಹಾಗೆ ಗಗನಕ್ಕೆ ಗಗನವೇ ಸಾಟಿ ಸಮುದ್ರಕ್ಕೆ ಸಮುದ್ರವೇ ಸಾಟಿ ಕಾರಂತರಿಗೆ ಪರ್ಯಾಯ ಇಲ್ಲ, ಕಲೆ, ಸಾಹಿತ್ಯ, ಸಂಸ್ಕೃತಿ ಗೆ ಟ್ರಸ್ಟ್ ನಿಂದ ಪೋಷಣೆ ನೀಡುತ್ತಿರುದು ಶ್ಲಾಘನೀಯ ಎಂದರು.
ಟ್ರಸ್ಟ್ ನ ಕಾರ್ಯನಿರ್ವಾಹಕ ವಿಶ್ವಾಸ್ಥ ಗುಜ್ಜಾಡಿ ಪ್ರಭಾಕರ್ ನಾಯಕ್ ಟ್ರಸ್ಟ್ ನ ಮುಂದಿನ ಯೋಜನೆಗಳ ಬಗ್ಗೆ ತಿಳಿಸಿದರು.
ನಟರಾಜ ನೃತ್ಯ ನಿಕೇತನದ ಗುರುಗಳಾದ ವಿದುಷಿ ಭಾಗೀರಥಿ ರಾವ್, ಟ್ರಸ್ಟ್ ನಾ ವಿಶ್ವಸ್ಥರಾದ ಮಾಧವ ಪೈ, ಪ್ರಸನ್ನ ಐತಾಳ್, ಪಂಜು ಪೂಜಾರಿ,ಹಾಗೂ ಗೆಳಯರ ಬಳಗದ ಕಾರ್ಯದರ್ಶಿ ನಾಗರಾಜ್ ಉಪಾಧ್ಯ ಹಾಗೂ ಶ್ರೀನಿವಾಸ್ ಉಪಾಧ್ಯ ಉಪಸ್ಥಿತರಿದ್ದರು.
ಟ್ರಸ್ಟ್ ಕಾರ್ಯದರ್ಶಿ ನಾರಾಯಣ ಆಚಾರ್ ಕಾರ್ಯಕ್ರಮವನ್ನು ನಿರೂಪಿಸಿ ವಂದಿಸಿದರು.
